Izraeli ka paralajmëruar se do ta bëjë qeverinë e Libanit të “paguajë një çmim të rëndë” përmes sulmeve ndaj infrastrukturës shtetërore dhe me mundësinë e marrjes së territoreve shtesë, transmeton Anadolu.
“Qeveria libaneze do të paguajë një çmim të rëndë përmes sulmeve që synojnë infrastrukturën kombëtare të Libanit dhe përmes humbjes së territorit të përdorur nga militantët e Hezbollahut, derisa të përmbushë zotimin e saj bazë për çarmatosjen e grupit”, tha ministri i Mbrojtjes, Israel Katz, gjatë një vlerësimi të sigurisë në selinë e Ministrisë së Mbrojtjes në Tel Aviv.