Autoritetet në Emirate kanë deportuar rreth 15,000 punëtorë pakistanezë nga vendi, sipas një raporti nga New Lines Magazine.
Sipas të njëjtit burim, deportimet u kryen sipas një modeli standard, me punëtorët që u arrestuan, telefonat e tyre u konfiskuan dhe më pas u transferuan midis disa qendrave të paraburgimit përpara se të deportoheshin përfundimisht me fluturime për në Pakistan.
“Punëtorët u kthyen pa u dhënë mundësia të tërhiqnin paratë e tyre nga bankat”, thuhet në raport.
Shumë nga të dëbuarit, thuhet se kishin punuar në Emirate për vite ose edhe dekada dhe u kishin dërguar para familjeve të tyre në shtëpi, gjë që e ndërlikon më tej riatdhesimin e tyre të papritur.
Për Sarah Ali, shenja e parë e telasheve ishte kur filluan të shfaqeshin histori në mediat sociale dhe në grupet WhatsApp për burra nga komunitetet pakistaneze dhe shiite që zhdukeshin ose dëboheshin nga Emiratet pa shpjegime. Burri i saj Taha, i cili punoi për Autoritetin e Rrugëve dhe Transportit të Dubait për më shumë se një dekadë, shpejt e gjeti veten në një situatë të ngjashme, shkruan Neë Lines Magazine.
Më 12 prill, gjatë turnit të natës, policia e arrestoi atë në vendin e tij të punës pasi emri i tij u shfaq në sistem. Sipas gruas së tij, oficerët ishin të hutuar dhe nuk i dinin arsyet e arrestimit, por iu urdhërua ta ndalonin. Ai u transferua më vonë nëpër disa qendra paraburgimi, përfshirë qendrën Al-Aëir, pa akuza zyrtare.
Gruaja e tij më vonë arriti të merrte një vizitë të shkurtër 10-minutëshe, pas së cilës Taha u deportua në Pakistan, pa qenë në gjendje të merrte sendet e tij personale ose të hynte në llogarinë e tij bankare.
Dëshmi të ngjashme vijnë nga disa qytetarë pakistanezë që pretendojnë se janë arrestuar dhe deportuar pa shpjegime, ndërsa disa thonë se janë shënjestruar për shkak të përkatësisë së tyre fetare ose vizitave në vende fetare.
Sipas një udhëheqësi fetar shiit, rreth pesë mijë familje pakistaneze janë prekur nga deportimet, shumë prej të cilave janë kthyer pa qasje në kursimet e tyre dhe pa mundësinë për të shlyer detyrimet e tyre financiare në Emiratet e Bashkuara Arabe.
Kjo sjellë e Emirateve shkon kundër një principi islam mbi të drejtën e punëtorit për shpërblimin e punës së ushtruar, pra pagën. Mundet të mos e duash tjetrin, por hakun e punës nuk ka pse ja mban e nuk ja jep. Mirëpo Emiratet janë ndryshe dhe një Izrael arab, një sjellje që u shkon për shkak të atyre që tashmë njihen si pa din e iman. /tesheshi.com/