Nën diktatin e kuptueshëm të Edi Ramës, në kulmin e një mllefi e izolimi më plot të drejtë ndërkombëtar ndaj Izraelit, kombëtarja shqiptare do duhet të luajë një miqësore me kombëtaren që përfaqëson sot shtetit më mizor në botë, i cili vijon të ushtrojë gjenocid kundër një populli që nuk pranon të largohet prej tokës së tij.
Më këtë rast, kush të mundet të mos i bashkohet këtij turpi. Kush ka sado pak ndërgjegje njerëzore, nuk duhet ta njollosë veten me këtë turp. Kjo vlen për futbollistët e kombëtares, por sidomos për ata tifozë të prirur për ta parë ndeshjen në stadium.
Le të bëjnë një akt refuzimi, bojkoti, pasi kështu do i tregojmë vetes se vlejnë më shumë se një lojë futbolli, e qelbur këtë rast me politikë e gjeopolitikë.
Është një akt që do të na bëjë të ndihemi krenarë, nesër po e po, por dhe sot. Sepse, paralelja në këtë rast është pikërisht me atë nder që shqiptarët i dhanë vetes kur mbrojtën hebrenjtë nga kërcënimi nazist gjatë Luftës së Dytë Botërore. Sot thirren të mbrojnë një tjetër popull, mbi të cilin po ushtrohet fiks një Holokaust, atë palestinez. Si ta mbrojnë? Thjesht, duke refuzuar të pranojnë miqësi të diktuar politike me gjenocidistë.
Ne jemi një popull që nuk kemi arsye të turpërohemi për ndonjë padrejtësi që u kemi bërë popujve të tjerë. Nuk u kemi marrë as jetën e as pronën. Kemi plot mëkate, por më së shumti ndaj vetes, edhe kur janë me gjak të derdhur. Por në këtë rast, kur Rama po e shtynë Shqipërinë drejt një turpi historik, lipset që kush ka mundësi të mos bëhet pjesë e këtij turpi, me aq sa ka në dorë. Ndaj, më e pakta dhe më shumta njëherësh, ky stadium le të jetë bosh atë ditë kur në fushë të zbresin vrasës fëmijësh. Nëse e bëni këtë, të jeni të sigurt që një ditë do ndiheni sado pak krenar për ndërgjegjen tuaj të lartë njerëzore. Sërish në një paralele historike, do ndiheni si ata shqiptarë që mbrojtën hebrenjtë. Sepse ata nuk mbrojtën hebrenj në kuptimin e ngushtë etnik; ata mbrojtën ca njerëz në ditë të hallit të kërcënuar me zhdukje. Të tillët sot quhet palestinezë!
Askush s’na detyron të kemi miqësi me njerëz pa Zot që vetëshpallen të “zgjedhur” nga Zoti dhe që në emër të kësaj marrëzie me sfond teologjik, na konsiderojnë ne johebrenjve si gomerë që duhet t’u shërbejnë atyre. Ndaj, edhe kjo ka peshën e vet në dilemën e zgjedhjes nëse duhet shkuar në stadium apo jo; është mes të ndjerit njeri dhe të ndjerit gomar! Zgjidh…
Mos harroni: në gjenocidin izraelit në Gaza janë ekzekutuar mizorisht dhe shumë futbollstë palestinezë, edhe yje futbolli mes tyre. /tesheshi.com/